Rama me një mesazh të fortë për mbështetësit, kritikët dhe armiqtë

Politikë E Hënë, 31 Maj 2021 02:40

Kryeministri Edi Rama ka falenderuar sipas mënyrës së tij edhe ndjekësit virtualë në faqen e vet të Facebook, të cilët janë rreth 1.1 milionë. Rama ju ka dedikuar një status në rrjetin social, ndjekësve të tij. Ai falenderon mbështetësit, kritikët dhe “armiqtë” e tij në rrjete sociale.

Mbështetësit i ka falendruar, kritikëve ju ka thënë se i dëgjon kritikat dhe “armiqëve” që e kanë sharë edhe me libër shpie, atyre ju ka dhënë një këshillë.

“Dhe dua ta dini të dashur “armiq”, se kur ju kthehem siç i do mushka drutë, nuk ju bëj me faj ju, po pikërisht politikën, që për kaq shumë vite e vite, kultivoi një fare shumë të keqe në mjedisin e komunikimit publik”,-shkruan Rama.

Statusi i plotë

Të dashur miq te ketij rrjeti,

faleminderit te gjitheve, mbeshtetes, kritike e “armiq” te betuar per gjithe sa here keni klikuar pelqime, keni ndare me te tjere apo keni komentuar postime?

Mbeshtetesve u them faleminderit, sepse inkurajimet tuaja jane per mua burim energjie pozitive, shume me teper se sa ju mund ta mendoni. Dhe mirenjohje te thelle atyre qe ma degjuan lutjen e bene telefonata nga jashte, per te nxitur te aferm e miq ketu ne Shqiperi, te votojne numrin magjik✌️?

Kritikeve u them faleminderit, sepse cimbisjet tuaja jane per mua ushqim per mendjen, shume me teper se sa ju mund ta imagjinoni. Dhe as mos e mendoni, as mos i degjoni ata qe ju thone, Edi Rama nuk i degjon kritikat. Aq i degjoj saaa… Tjeter gje qe me kritiket nuk jepem po “grushtohem” deri ne fund, ama pas perplasjes nuk iki tutje pa marre ate qe mendja me thote se vlen??

“Armiqve” te betuar nuk u them faleminderit qe me shajne me liber shtepie e liber rruge, natyrisht! Po ama ju them faleminderit, sepse me beni te mendoj vazhdimisht se sa shume, o Zot sa shume, mundim e kohe duhet per te ngushtuar hendekun qe politika e percarjes dhe gjuha e urrejtjes mes paleve, ka hapur prej kaq shume vitesh mes njerezve te zakonshem, edhe te rinjve fare! Dhe dua ta dini te dashur “armiq”, se kur ju kthehem sic i do mushka drute, nuk ju bej me faj ju, po pikerisht politiken, qe per kaq shume vite e vite, kultivoi nje fare shume te keqe ne mjedisin e komunikimit publik??

Ne fund dua t’ju them te gjitheve se fitorja e madhe e 25 qershorit, eshte e Shqiperise dhe juaja, ndersa imja eshte vetem barra e shumefishuar e pergjegjesise. Kam shume besim se do te bejme shume per kete vend, sidomos nese te gjithe kujtohemi kur zihemi a “grushtohemi”, se sidoqofte kemi nje gje te madhe te perbashket: Jemi shqiptare?? Jemi te nje gjaku dhe nje gjuhe? Jemi te gjithe te deshiruar, ta shohim Shqiperine sa me mire??