Rama me të rinjtë pak para seancës: Sot shpëtojmë nga kthetrat e korrupsionit

Partia Socialiste po zhvillon një takim me të rinjtë e FRESSH, te selia rozë. Në takim ka shkuar për pak minuta dhe kryetari i PS, Edi Rama.

Ky i fundit do të shkojë në seancën e jashtëzakonshme plenare, e cila pritet të fillojë nga momenti në moment për miratimin e ministrave teknikë të opozitës, si dhe ligjin e vettingut.

Rama tha para të rinjve se votimi i vettingut është historike.

“Votimi i vettingut sot, historike. Shqiptarët janë peng i gjykatësve dhe prokurorëve të korruptuar prej çerek shekulli. Nëse nuk shpëtojmë popullin tonë nga këto kthetra, nuk ka shans të jemi pjesë e BE. Duhet t’i tregojmë Evropës se jemi në gjendje të bëjmë shtet”, tha Rama.