Rama: Ne nuk do të reshtim deri kur…

Kryeministri Edi Rama ka ndarë me ndjekësit e tij në rrjetin social Facebook fotot të ndryshimit të Ulëzës, duke dhënë mesazhin e radhës se nuk do të reshtë deri kur transformimi i dukshëm të prekë çdo lagje, fshat e familije.

Postimi 

Ju uroj një ditë të mbarë me këto foto të transformimit të Ulëzës nga një qoshe e lënë në harresë e degradim deri më 2013, në një zonë të rilindur urbane dhe një destinacion i ri turistik sot, që ka rritur ndjeshëm mirëqenien për banorët dhe i ka dhënë frymëmarrje të re ekonomisë lokale. Edhe shumë më shumë mbetet ende për të bërë dhe ne nuk do të reshtim deri kur transformimi i dukshëm të prekë çdo lagje në çdo bashki, çdo komunë, çdo fshat dhe çdo familje në rrugën tonë të vendosur.