Rama në Pukë: Basha dhe PD, një tufë njerëzish të mbaruar

Kryeministri Edi Rama është ndalur sot në Pukë, në kuadër të takimeve elektorale të zgjedhjeve të 25 qershorit.

Gjatë fjalës së tij para qytetarëve, Rama hodhi akuza të ashpra ndaj kreut të PD, Lulzim Basha. Rama bëri një krahasim të njerëzve me delet, duke thënë se vetëm këto të fundit nuk duan parqe e ndriçim.

“Vetëm delet nuk duan parqe dhe ndriçim. Basha thotë se nuk duhen palmat, por ekonomia. Ata janë një tufë njerëzish të mbaruar, që s’duan t’ia dinë që këtu lindin njerëz, këtu ka të moshuar, që kanë mushkëri. Liqeni në Pukë ishte mbuluar nga ndërtimet pa leje”, tha Rama.