Rama për PD-në: Ka një kope me lepuj në bark nga drejtësia

Kryeministri Edi Rama i ka kushtuar një pjesë të fjalës së tij në Kongresin zgjedhor të PS-së, opozitës e pikërisht Partisë Demokratike e cila nuk është regjistruar në zgjedhje.

Ai tha se PD ka ikur në drejtim të paditur dhe do të hedhë në erë zgjedhjet për të hedhur në erë vettingun.

“Është e pabesueshme një parti që lindi nga aspirata ta bëjmë ‘Shqipërinë si gjithë Europa’, PD ka ikur sot në drejtim të paditur. Ka vendosur të dalë nga zgjedhjet e udhëhequr nga frika, një frikë me madhe se sa një kope lepujsh në bark nga drejtësia. Mbyllur në një bunker plasmasi, ka shpallur luftë me mullinjtë e erës, tërë dynjasë, jo mua, as ne por Shqipërisë, Gjermanisë, BE-së, Amerikës”, tha Rama.