Rama: Përfshirja e Presidentit të zgjedhur e bëri fushatën të çuditshme

Kryeministri Edi Rama ka folur jashtë dyerve të Kuvendit, ku u miratua lista me 27 kandidatët për vettingun. Rama u ndal ndër tjera edhe te fushata elektorale, duke e cilësuar atë më të qetën në historinë e fushatave elektorale në vend. Ndër të tjera, Rama thumboi dhe Presidentin e zgjedhur, Ilir Meta, teksa tha se e vetmja gjë e çuditshme është futja e presidentit në fushatë.

“Fushata elektorale, të gjithë qytetarët e kanë parë, është fushata më e qetë që kur mbaj mend unë, nga pikëpamja e retorikës, e ndotjes së mjedisit me postera, bandera, flamuj, fotografira, e lloj-lloj karagjozllëqesh. Palët kanë idetë e tyre, kanë një moment që e kalojnë atë masën e jetës normale. Por s’ka ndodhur ndonëjherë që të jetë një fushatë kaq e qetë. Ajo që e ka bërë fushatën të çuditshme është futja e Presidentit në fushatë, unë nuk dua të bëj koment për këtë, sepse për ne në vëmendje janë njerëzit”, tha Rama