Rama-PS: Asnjë të mos mungojë në seancë nesër, nuk do të lejohet dalja

Rama ka mbledhur ditën e sotme në selinë e PS deputetët e dalë nga zgjedhjet e 25 qershorit. Ai pasi ka folur me ta në praninë e mediave, e ka vazhduar takimin me dyer të mbyllura me ta duke u dhënë pororsi në pragfillimin e sesionit të ri parlamentar.

Mësohet se Rama u ka kërkuar në mënyrë të prerë deputetëve që të jenë të gjithë të pranishëm në seancën e nesërme, në të parën seancë të Kuvendit të ri të Shqipërisë, ku do të bëhet votimi i Gramoz Ruçit si kryetari i ri i Kuvendit.

“Asnjë të mos mungojë në seancë nesër. Duhet korrektesë maksimale. Nesër nuk do të lejohet dalja nga rendi i ditës i punimeve të përcaktuara të seancës së Kuvendit”,-është shprehur Rama.