Rama: Reforma zgjedhore, pjesë e paktit me Lulzim Bashën

Kryeministri Edi Rama ka reaguar sot për kërkesën e PD-së për reformën zgjedhore. Në një koment në Facebook, Kryeministri thekson se kjo reformë është pjesë e paketës me të cilën ka rënë dakord me Lulzim Bashën më 18 maj.

Ai thekson se reforma nis nga vota e emigrantëve.

“Reforma zgjedhore brenda paketës së 18 majit dhe nis nga Vota e Shqiptarëve jashtë kufijve. Plus:Idetë e një pale s’janë kusht për tjetrën!”,- shprehet Kryeministri.

Deklarata e kryeministrit konfirmon se me Lulzim Bashën kanë rënë dakord për ndryshimin e Kodit Zgjedhor dhe ndryshimin e Kushtetutës.