Rama rikthen debatin për Skënderbeun: Ca delenxhinj i dhanë gojës…

Kryeministri Edi Rama është rikthyer aktiv në Facebook duke shkëmbyer replika me komentuesit.

Pas publikimit të statusit për burokracinë, komentuesit ndër të tjera i kanë kujtuar Ramës, aleatin kryesor në bashkëqeverisje në mandatin e parë dhe deklaratat në fushatë.

Njëri nga komentuesit i shkruan Ramës “Para zgjedhjeve kishe parullën, burg për Ilir Metën, Reformën që të bëjmë shtet, dua timonin, po tani??”.

Ndërsa Rama i përgjigjet komentuesit duke shkruar se nuk është as prokuror dhe as gjykatës dhe nuk e ka përmendur fjalën burg.

“Mbulimi” i Skënderbeut, Rama: Ca delenxhinj…
Në një tjetër koment, Rama ka folur për herë të parë edhe për debatin e ‘mbulimin’ e Skënderbeut gjatë faljes së Bajramit një javë më parë në Tiranë.

Rama i cilëson si delenxhinj që i kanë dhënë gojës këto ditë ata që u përfshinë në këtë debat.