Rama te RENEA, prezanton ligjin special të paketës anti-KÇK

Kryeministri Edi Rama ka shkuar paraditen e sotme në repartin RENEA ku është trajnuar Njësia Operacioni Forca e Ligjit, për të prezantuar ligjin special të miratuar dy ditë më parë, për masat pasurore ndaj personave të dënuar apo akuzuar për krim të organizuar, i njohur ndryshe si paketa “anti-KÇK”.

Operacioni Forca e Ligjit është Njësia Speciale që pas 6 muajsh trajnim të specializuar dhe stërvitje, nesër do të dalë në terren për të zbatuar në bashkëpunim me SPAK-un, Ligjin Special të sapo miratuar për masat pasurore ndaj personave të dënuar ose akuzuar për krim të organizuar.