Reagon Ambasada Amerikane pas deklaratave të Berishës: Pozicioni për “non gratat” nuk negociohet

Ambasada Amerikane në Tiranë i është përgjigjur ish-kryeministrit Sali Berisha lidhur me deklaratën e këtij të fundit se një person i ka shkuar në zyrë në emër të ambasadores për të negociuar për zgjedhjet në PD.

E pyetur nga media ambasada amerikane dha këtë përgjigje të shkurtër:

“Pozicioni i SHBA në lidhje me shpalljet “non grata” për korrupsion madhor mbetet i qartë dhe nuk mund të negociohet”.

Ky është komenti i bërë nga Ambasada Amerikane pas deklaratave të ish-kryeministrit Sali Berisha për Yuri Kim, e cila dje njohu si kryetar të komanduar të PD-së, Enkelejd Alibeajn.