Reforma Zgjedhore/Çuçi e Bylykbashi letër Ruçit: Na duhen edhe 6 muaj kohë

Komisioni i Posaçëm i Reformës Zgjedhore, kërkon edhe 6 muaj shtesë për të përmbyllur punën e tij. Dy bashkëkryetarët, Bledi Çuçi e Oerd Bylykbashi i kanë dërguar kryetarit të Kuvendit, Gramoz Ruçit një letër ku i kërkojnë  6 muaj kohë për reformën.

Komisioni i Posaçëm për Zgjedhoren u ngrit në 13 tetor 2017 dhe kjo është hera e dytë që komisioni kërkon zgjatje afati.

Komisioni ka zhvilluar disa mbledhje dhe disa tryeza konsultuese me ekspertët por nuk është marrë ende asnjë vendim me rëndësi për tu arritur ndonjë dakordësi për dy krye-çështje: votimin elektronik dhe votën e emigrantëve.