Rezultati final në KQZ. Ish-ministri i Berishës: Pjesë e paktit Rama-Basha

Ish-minsitri i Jashtëm gjatë qeverisjes së Sali Berishës, Besnik Mustafaj po flet në këto momente në studion e News24.

Gjatë intervistës, ai komentoi edhe votimin e rezultatit përfundimtar të zgjedhjeve nga Komisioni Qendror i Zgjedhjeve paraditen e sotme, ku edhe Partia Demokratike votoi pro.

Sipas tij, votimi 7 me 0 është pjesë e marrëveshjes Rama-Basha dhe tregoi paaftësinë e PD.

“Të gjithë shqiptarët e dinë se zgjedhjet ishin të manipuluara. KQZ është një strukturë juridike dhe votimi që u bë sot me 7 vota pro dhe 0 kundër, është pasojë e marrëveshjes Rama-Basha dhe pasojë e paaftësisë së PD. Nuk ka asnjë surprizë dhe kjo i heq të drejtën opozitës që të thotë se këto zgjedhje ishin të manipuluara, përderisa sot e dha votën pro për tabelën përfundimtare të zgjedhjeve”, deklaroi Mustafaj.