Rikthimi në kuvend për ministrat teknik, Basha mbledh grupin

Pas 90 ditëve larg kuvendit, grupi parlamentar i PD-së do të rikthehet sot për votimin e ministrave teknikë. Por para kësaj, Partia Demokratike mësohet se do të mbledhë grupin parlamentar në selinë blu në orën 12:00.

Një ditë më parë, kreu i demokratëve Lulzim Basha u takua për 45 minuta me kryeministrin Edi Rama me të cilin u dakortësua për emrat e ministrave dhe zv.kryeministrit teknik.

Kryeministri i dërgoi emrat për dekretim tek Presidenti Bujar Nishani dhe sot në orën 18:00 pasdite mblidhet Kuvendi në seancë të jashtëzakonshme.