Rinis seanca, mazhoranca voton projektligjet, por jo KLGJ dhe KLP

Deputetet socialistë kanë votuar projektligjet në një situatë të tensionuar dhe mes britmave të opozitës.

Pavarësisht se ndërpreja e fundit e seancës zgjati mbi 30 minuta, deputetët e opozitës nuk u larguan nga foltorja duke e mbajtur të bllokuar që prej nisjes së seancës.

Më rinisjen e seancës, maxhoranca nuk ka humbur kohë dhe ka votuar projektligjet në rend ditë.

Gjatë kohës që deputetët e PS votonin, opozita vijonte duke goditur tavolinat dhe duke thirrur në kor; ‘kriminelë, kriminelë’.

Mazhoraca e PS ka miratuar të gjitha ligjet që kërkonin shumicë të thjeshtë votash. Ndërkohë lista e kandidatëve për Këshillin e Lartë të Gjyqësorit dhe Këshillin e Lartë të Prokurorisë nuk u votua. Për zgjedhjen e kandidove duhen 94 vota, ndërkohë që PS-ja ka vetëm 74.