Ruçi i shkruan homologut grek: Të gjithë shqiptarët pranë popullit tuaj

Kryeparlamentari Gramoz Ruçi i ka përcjellë një letër ngushëllimi homologut grek Nikos Voutsis pas tragjedisë ku zjarret morën 60 jetë njerëzish dhe plagosën mbi 556 të tjerë.

Ruçi pohoi se të gjithë shqiptarët janë pranë popullit grek në këto çaste tepër të rënda. “Kurajo popullit mik dhe fqinj grek. Urojmë ta kaloni sa më shpejt këtë situatë të rëndë. Të gjithë shqiptarët pranë popullit grek në këto çaste të rënda. Dhimbje, solidaritet dhe dashuri për familjet greke”, shkruan Ruçi.