Ruçi thirrje banorëve: Nëse keni kundërshti shkoni në gjykatë

Kryetari i Kuvendit, Gramoz Ruçi nga Libofsha e Fierit, aty ku qeveria shpërndau certifikata pronësie, u ka bërë thirrje banorëve që preken nga ndërtimi i ”Unazës së Re” që të mos lejojnë që të përdoren për interesat e politikës por nëse kanë kundërshti ti drejtohen gjykatës. Ruçi theksoi se aktualisht për procesin e shpronësimeve po zbatohet një ligj i miratuar nga Berisha kur ishte në qeveri dhe që përcaktonte kriteret. Zgjidhja për Ruçin nuk është dhuna, por ulja e tensioneve dhe diskutimet.

Pjesë nga deklarata e Ruçit

Kam ndjekur me shqetësim demonstrimin e qytetarëve të sheshi Shqiponja për legalizimet për një vepër madhore. Unë e ndjej fort se çfarë do të thotë të prishet shtëpia, me apo pa leje, se mbi të gjitha jam një si ata, jam fshatar që kam bërë shtëpi me duart e mia. Dhe kimetit shtëpisë ia di ai që ka pak lekë dhe e bën vetë. Gabimin që bëj unë dhe ti si kryefamiljar e paguajnë fëmijët, ndërsa gabimet që bëjnë politika e paguan e gjithë shoqëria.

Ata po paguajnë gabimet e politikës të djeshme dhe të sotme. Të cilët ndryshe flasin sipas ligjit kur janë në pushtet dhe ndryshe kur janë në opozitë. Legalizimet me objekte publike nuk bëhen, ishte me firmë dhe me vulë të zotit Berisha dhe absolutisht ka zaptuar ligjin. Kjo marri 28 vjecare duhet të marrë fund. Asgjë nuk zgjidhe në rrugë jashtë institucione dhe ligjit, zgjidhet në bashkëpunim. Ata që janë legalizuar do të marrin dëmshpërblimin dhe do të prishen, ata që nuk janë legalizuar qira dhënie dhe përparësi për kredi të buta.

Askush nuk mund të shkelë ligjin, mos shpërdorojmë hallin e tyre me hallin që ka politika duke i përdorur mish për top. Një vajzë e re 24 vjecare humbet gishtat e dorës se i intereson politikës. Prandaj u bëj thirrje që të ulemi të diskutojmë dhe të njohim ligjin. Atyre janë interesat e qytetarëve, nëse pretendoni se zgjidhja është e padrejtë ka gjykatë. Nëse gjykata nxjerr urdhër pezullimi punimet pezullohen. Do të kërkoja qetësi dhe maturi për ta zgjidhur problemin.