Sa zv.ministra do të ketë qeveria “Rama 2”?

“Ministritë nuk do të drejtohen më nga një person i vetëm po nga një skuadër”, u shpreh kryeministri Edi Rama mbrëmë gjatë intervistës në Top Story.

Kjo deklaratë të lë të kuptosh se kabineti i ri do të ketë një numër të madh zëvendësministrash. Deri më tani emrat e tyre nuk janë bërë publik, por pritet që kjo të ndodhë gjatë javës së ardhshme.

Gjasat janë që ministri të ndryshme të kenë deri në 4 zv.ministra. Arben Ahmetaj dhe Damian Gjiknuri do të drejtojë dy “superministri” të krijuara nga shkrirja e disa të tjerave. Rrjedhimisht këto dy institucione do të kenë numrin më të madh të zv.ministrave.