Nuk e ftojnë, por Sali Berisha deklaron: Do të marr pjesë në mbledhjen e grupit parlamentar të PD-së

Ish-kryeministri Sali Berisha deklaroi se do të marrë pjesë në mbledhjen e grupit parlamentar të PD-së të thirrur nga Enkelejd Alibeaj për ditën e nesërme.

Në një prononcim për mediat, Berisha tha se edhe pse nuk ka marrë njoftim zyrtar, ai do të jetë i pari që do të marrë pjesë në mbledhjen e grupit të Partisë Demokratike.

“Grupi parlamentar i PD nuk është i ndarë. Berisha do jetë nesër në mbledhjen e grupit parlamentar edhe pse nuk i ka ardhur zyrtarisht një ftesë për të marrë pjesë.
I pari që do jetë në atë mbledhje është Sali Berisha. Ka një detyrim absolut madhor nga Kuvendi i 11 dhjetorit. Më kanë njoftuar kolegët për mbledhje dhe do të shkoj, kjo është“, tha Berisha.

Nesër do të kemi mbledhje interesante në grupin parlamentar të PD.