Sali Berisha: PD shkon në protetën e 7 korrikut me një koalicion të gjerë

Ish kryeministri Sali Berish ka thënë sot në mbledhjen e Kryesisë se protesta e 7 korrikut e thirrur prej tij në kryeqytet, ka një rëndësi shumë të madhe për situatën në të cilën ndodhet vendi.

Berisha theksoi se PD shkon në këtë protestë “me një koalicion të gjerë me shoqërinë civile, me personalitete aktive në jetën publike dhe me forca politike opozitare të vërteta parlamentare dhe jo parlamentare”.

“Jo si një protestë e PD, por e mbarë qytetarëve shqiptarë. Nuk ka dyshim se roli i PD në organizimin e kësaj është përcaktues, por PD shkon drejt kësaj proteste me një koalicion të gjerë me shoqërinë civile, me personalitete aktive në jetën publike dhe me forca politike opozitare të vërteta parlamentare dhe jo parlamentare. Kanë filluar aktivitetin, takimet, por ajo që kërkoj është intensifikimi maksimal i përpjekjeve tona në mënyrë që kjo protestë të shprehë të gjithë shqetësimet e mëdha, problemet madhore me të cilat përballen sot shumica dërrmuese e qytetarëve shqiptarë”, tha Berisha.