Salianji: Prokuroria të arrestoj Vangjush Dakon

Në një deklaratë për shtyp nga selia blu, sërish Ervin Salianji foli për dosjen hetimore ku është i implikuar edhe kryetari i Bashkisë së Durrësit, Vangjush Dako.

”Dosja numër 339 vërtetoi lidhjen e politikës me krimin dhe Vangjush Dakon si simbol të kësaj bashkëjetese. Kryebashkiaku i Durrësit, në bashkëpunim me bandën e Durrësit dhe Shijakut, kanë kryer krim elektoral, duke vjedhur dhe manipuluar votat e qytetarëve. Në Itali kemi një qeveri që refuzon votat e krimit, ndërsa Edi Rama qeveris me votat e krimit dhe kjo është arsyeja, pse ne na janë mbyllur dyert e Europës”, deklaroi Salianji.

Në mbyllje, deputeti i Partisë Demokratike përsëriti edhe njëherë apelin e tij për Prokurorinë, që të avancojë punën me dosjen 339 dhe të arrestojë Vangjush Dakon.