Sekreti hetimor transmetohet live. Mbledhja e Këshillit mbyllet për mediat

Deputetët e Partisë Socialiste kanë vendosur që mbledhja e Mblidhet Këshilli për Rregulloren, Mandatet dhe Imunitetin të zhvillohet pa praninë e mediave. Në mbledhjen e fundit, Këshilli i përbërë nga deputetët e PS dhe PD do të vendoset për imunitetin e Saimir Tahirit, pas kërkesës së prokurorisë për hetimin dhe arrestimin e tij.

Deputetët e PD dhe LSI e kanë kundërshtuar zhvillimin e mbledhjes pa mediat. Sipas tyre, një akt i tillë është mungesë transparence, pasi palët do të japin qëndrimet e fundit për këtë çështje që ka një interes të madh publik. Ndërkohë kreu i deputetëve të PS, Tulant Balla tha se kjo kërkesë është absurde. Sipas tij, edhe më parë seanca të tilla janë zhvilluar të mbyllura.

Ndërkohë, Këshilli dje dhe sot zhvilloi seancat e para të hapura edhe pse ishin me delikate për nga përmbajtja. Para e mediave, Prokurorët e Krimeve të Rënda ekspozuan prova dhe fakte që sipas tyre mund të ishin dhe pjesë e sekretit hetimorë. Ndërkohë që çështje delikate ekspozohen në publik dhe janë pjesë e hetimit, socialistët vendosin që një debat politik të mos transmetohet.