Sesioni i jashtëzakonshëm – Ja çfarë pritet të ndodhë sot në Kuvend

Kuvendi do të rihapë sot dyert në një sesion të jashtëzakonshëm, pas marrëveshjes Rama-Basha. Parlamenti do të mblidhet në seancë për të miratuar një sërë ligjesh dhe vendimesh, afro 1 muaj nga shperndarja e tij.

Por përveç seancës plenare, sot do të mblidhet edhe Komisioni i Reformës Zgjedhore, ku mendohet të jenë edhe deputetët e opozitës. Kjo, për arsye se një nga vendimet që pritet të marrë parlamenti ka të bëjë me zgjatjen e afatit të veprimtarisë së Komisionit të Posaçëm të Reformës Zgjedhore, e po ashtu edhe me zëvendësimin e kreut të KQZ-së, një nga pikat e marrëveshjes PS-PD.

Po kështu, paraditen e sotme do të ketë edhe mbledhje te Komisionit te Ligjeve, ku do të shqyrtohen ndryshime në Kodin Penal në lidhje me dënimet për shitjen e blerjen e votës.