SHBA përshëndesin nismën e PD për dekriminalizimin

Ambasada Amerikane në Tiranë, përmes një deklarate në rrjetet sociale ka përshëndetur nismën e partive politike, në veçanti të opozitës, për dekriminalizimin.

“Ambasada e Shteteve të Bashkuara të Amerikës përshëndet lëvizjen e guximshme të Partisë Demokratike dhe partive të tjera mbi dekriminalizimin”, thuhet në një postim në Twitter.

Në postimin thuhet se, “Shtetet e Bashkuara shprehin mbështetjen për përpjekjet në vazhdim për të pastruar politikën në Shqipëri”.