Sherri PS-LSI në Lezhë. Viktor Tushaj përgjigjet Pjerin Ndreut: Me gjithë respektin për policët, ti mbetesh polic

Pas përplasjeve me armë në Lezhë, ku mbeti i plagosur një përfaqësues i LSI-së gjatë ditës së zgjedhjeve, replikat mes PS dhe LSI vazhdojnë edhe sot. Deputeti i LSI, Viktor Tushaj ka reaguar sot pas deklaratës së deputetit të PS Pjerin Ndreu. “Me gjithë respektin që kam për profesionin e policit dhe sidomos misionin e tij, ai përsëri mbetet polic. Gjynah që parlamenti i ardhshëm do i ketë disa brenda”,- thotë Tushaj në reagimin e tij..

Çfarë shkruajti Pjerin Ndreu: “Per ca LSI-sta te ekzaltuar te Lezhes, meqe keni marre nje medalje deputeti dhe nuk leni vend pa e permend ate punen e NATO, po ju bej me dije : 1-Ju thate se do jeni force e pare dhe se do nxirrnit PS me nje deputet. 2-Thate qe do merrnit 2 deputet, por mezi moret nje. Kerkojini leket se keni pagu per tre. Perfaqesuesit tuaj ne numerim po ziheshin se nuk dilnin hesapet e flisnin hapur per pagesa marramendase. 3-Thate se do keni kryeministrin por moret ate qe korret, opoziten e perhershme. Mos u ngrefosni me parate e Like floririt e me eskorten ne dispozicion duke shpernda leke se me keni zgju instiktet e policit qe te siguroj deshmi se si i keni blere njerezit, kush i ka blere dhe tu coj ndonje xhiro nga burgu Shenkollit e tu heq dhe ate mandat te ndotur qe moret. Ju e dini se kur them e bej…! Beni qejf ne opozite se vone e keq do e shifni pushtetin me sy. Shifemi nga Lezha…!”