Shkozë/Basha akuza Ramës: Premtove shpronësim, tani i godet si pushtues

“Krim dhe barbari në Shkozë”, kështu e cilëson situatën kryetari i Partisë Demokratike, Lulzim Basha. Në një postim në facebook, Basha ka reaguar lidhur me aksionin e IKMT-së sot në Shkozë, për shembjen e 153 banesave. Kreu i PD-së bën thirrje që të ndalet aksioni për shembjen e tyre. Po ashtu, lideri i demokratëve hodhi akuza ndaj Ramës, duke shtuar se ky i fundit u premtoi legalizime dhe shpronesim para zgjedhjeve të 25 qershorit.

Mesazhi

Krim dhe barbari ne Shkoze! 153 familje nxirren me force nga shtepite e tyre ne mes te kater rrugeve. Edi Rama ju premtoi legalizim dhe shpronesim para zgjedhjeve. Tani i godet si pushtues! Duke denuar me ashpersi kete krim cnjerezor, ju bej thirrje forcave te rendit te ndalin menjehere keqtrajtimin e bashkeqytetareve te tyre qe po mbrojne strehen familjare. Te ndale prishja e shtepive pa siguruar asnje perspektive strehimi per 153 familje. Te shqyrtohet rikthimi te projekti fillestar i rehabilitimit te Lanes i cili parashikonte prishje minimale perkunder shpronesimit me vlere tregu. Ndal barbarise, dhe verberise ndaj fateve te njerezve!