Shpërthen Bregu pas mbledhjes së Kryesisë: Ditë e vajtueshme për PD, lojë që po përçan demokratët

Deputetja demokrate Majlinda Bregu e ka cilësuar ditën e sotme, një ditë të vajtueshme për PD. Pas përfundimit të mbledhjes së Kryesisë së partisë, që vendosi dy mera në garën për kreun e ri të PD, Lulzim Basha dhe Eduard Selami, deputetja demokrate ka shprehur qëndrimin e saj.

“Ky nxitim, pas humbjes në zgjedhje, është një gabim i rëndë. Sot PD po vazhdon lojën luftash si dikur. Kjo lojë po i përçan, nuk i bashkon demokratët. Nuk besoj se PD është një plaçkë për t’u ndarë, por është e të gjithë demokratëve që kanë asetet dhe kontributet e tyre në PD. Në vend të shohim përgjegjësinë te vetja, vazhdojmë ta shohim te oborri përballë nesh. Ringritja e PD nuk vazhdon kështu.

Ndjehem e keqardhur që sot nuk munda të bëj më shumë se kaq. Sot PD ndodhet në një ditë të vajtueshme”, tha Bregu.