Shqiptaro-amerikania, mikeshë e Trump: Turp për Shqipërinë

Votimi i Shqipërisë pro rezolutës që u kërkon Shteteve të Bashkuara tërheqjen nga njohja e Izraelit kryeqytet reflekton pozicionin e pandryshuar të Shqipërisë për këtë çështje. Mbi këtë votë nisi edhe një debat jo vetëm në ragun e politikës në vend. Reagim ka ardhur edhe nga SHBA-ja për këtë qëndrim të Tiranës zyrtare pro BE-së dhe kundër SHBA-së.

Gruaja e parë shqiptaro-amerikane e zgjedhur këshilltare në shtetin e Nju Jorkut, Lisa Milicaj, ka dënuar pozicionimin e Shqipërisë kundër Amerikës në Organizatën e Kombeve të Bashkuara, përkitazi me statusin e Jerusalemit.

Milicaj një politikane republikane dhe mikeshë e Presidentit të Shteteve të Bashkuara, Donald Trump, nëpërmjet një postimi në facebook e ka quajtur “të ulët dhe të turpshëm” vendimin e Shqipërisë për të mbështetur një rezolutë kundër qëndrimit Amerikan për Jerusalemin.