Si u kapën trafikantët e drogës, dyshimet për makinën e kreut të PS së Kavajës

Dy të rinj, mbështetës dhe pjesëmarrës aktivë në fushatën e Partisë Socialiste, u arrestuan mbrëmjen e së enjtes në Kavajë, shkruan “Panorama”. Të arrestuarit janë Ramadan Shabani dhe Enred Duka, të dy 28­ vjeçarë. Policia njoftoi se arrestimi i tyre ishte kryer në zbatim të vendimit të Gjykatës së Kavajës, që ditën e enjte kishte vendosur masën e sigurisë “arrest me burg”, pasi ata akuzohen për prodhim dhe shitje të lëndëve narkotike, shkruan lapsi.

Arrestimi i të rinjve është komentuar edhe politikisht, duke marrë shkas nga automjeti me të cilin ata lëviznin në momentin e ndalimit. Berisha e denoncoi këtë ngjarje në facebook. Duke iu referuar qytetarit dixhital, makina tip “Audi”, me targa AA 202 NO, është në pronësi të ish­ kryetarit të Partisë Socialiste atje, Gentjan Daja. Bashkëngjitur denoncimit, Berisha ka publikuar edhe foto të momentit të arrestimit të dy të rinjve, ku duken forcat e Policisë që kanë rrethuar automjetin tip “Audi”, që sipas Berishës është në pronësi të Gentjan Dajës.
E për të përforcuar denoncimin e tij, disa orë më vonë, ish ­kryeministri publikoi edhe një fotografi, ku dy të arrestuarit shfaqeshin duke drekuar me ish­kreun e PS­ së Kavajës.

Megjithatë, burime nga Policia thanë dje se makina nuk është në pronësi të Gentjan Dajës, por të një qytetari nga Tirana.