Spitalet, drejtorët e rinj emërohen në shtator

Drejtorët e spitaleve rajonale kanë nisur të japin dorëheqjen. Një grupim drejtuesish do të ikin, të tjerë presin që të zënë vendet e tyre. Ministria e Shëndetësisë thotë se kriteret dhe rregullat që do të ndiqen për përzgjedhjen e drejtorëve të rinj do të vendosen nga qeveria e re, që do të formohet në muajin shtator.

Gjatë muajit gusht nuk do të ketë asnjë garë të hapur për këto pozicione pune. Pak ditë më parë Rama zhvilloi një takim me këta të fundit, teksa kërkoi që ata të tërhiqen nga pozicioni që mbajnë. Sipas kryeministrit, shkak i kërkesës është keqmenaxhimi i spitaleve dhe neglizhenca e tyre për zgjidhjen e problemeve të pacientëve.

Gjithashtu, ai paralajmëroi hapjen e një konkursi, përmes të cilit do të përzgjidhen emrat e rinj, teksa ftoi të bëhen pjesë e tyre edhe drejtuesit aktualë, që mendojnë se janë të aftë për atë pozicion pune.