Strazimiri i shkruan gjermanisht ambasadorit të OSBE

Ish-deputeti i PD, Gent Strazimiri, në një postim në Facebook i është drejtuar në gjuhën gjermane, ambasadorit të OSBE në Tiranë, Bernd Borchard. Strazimiri ka publikuar dhe Fletoren Zyrtare të Gjermanisë, ku shpjegohet dhe mënyra sesi aktet ligjore hyjnë në fuqi.

Postimi i Gent Strazimirit në Facebook:

Zur sofortigen Veröffentlichung!! (Për shpërndarje të menjëhershme)

Kjo është faqja zyrtare e Fletores Zyrtare Federale të Republikës Federale të Gjermanisë, ajo që përcakton se si “duhet të zhvillohen proceset politike, administrative në përputhje me parimet e shtetit ligjor”!

Në të shpjegohet edhe “roli vendimtar i Fletores Zyrtare Federale në lojën e përbashkët demokratike në Gjermani”, përmes botimit me transparencë të Ligjeve të reja apo të ndryshuara, si dhe akteve të tjera urdhëruese!

Sqarim (për ata që nuk e dinë): Në Gjermani, botimet në Fletoren Zyrtare përcaktojnë kornizën e shtetit ligjor! Po ashtu edhe në Shqipëri!