Takim me Ramën? Ja si do njihet kryeministri me shtatë dorëheqjet e PD

PD-ja tërhoqi dje ministrat e saj nga qeveria “Rama” ndërsa zyrtarisht pritet që zv.kryeministrja Ledina Mandija dhe gjashtë ministrat teknikë të Partisë Demokratike të dorëzojnë sot në Kryeministri tekstin e dorëheqjes.

News 24 raporton se pritet që dorëheqja t’i mbërrijë me postë kryeministrit Rama deri në orën 16:00 të ditës së sotme, kur mbyllet edhe zyra e protokollit në Kryeministri.

Të njëjtat burime saktësojnë se nuk do të ketë asnjë takim mes tyre dhe kryeministrit Rama, të cilin nuk e takuan asnjëherë në këto 3 muaj. Deri më tani kërkesa e tyre nuk ka mbërritur ende, ndërsa e vetmja që u pa në kryeministri, ishte zv.kryeministrja Mandija.

Nuk dihet nëse pas dorëzimit të kërkesës për dorëheqje, ministrat teknikë të Partisë Demokratike do të largohen menjëherë nga detyra apo do të qëndrojnë deri në formimin e qeverisë së re në muajin shtator, siç e kërkon Kushtetuta.

Ministrat e larguar morën detyrën menjëherë pas marrëveshjes politike Rama-Basha në funksion të zgjedhjeve parlamentare të 25 qershorit.

EMRAT E MINISTRAVE TEKNIKË TE DOREHEQUR

Zv.kryeministrja Ledina Mandija,

ministri i Brendshëm Dritan Demiraj,

ministrja e Financave Helga Vukaj,

ministrja e Arsimit Mirela Karabina,

ministri i Drejtësisë Gazmend Bardhi,

ministria e Mirëqenies Sociale Xhulieta Kërtusha ministri i Shëndetësisë Arben Beqiri

Ministrat e larguar morën detyrën menjëherë pas marrëveshjes politike Rama-Basha në funksion të zgjedhjeve parlamentare të 25 qershorit.

/Bw