Takimi i grupimit anti-Basha në PD, mungon Jozefina Topalli

Një ditë para zgjedhjeve për kryetarin e ri të Partisë Demokratike, grupi anti-Basha ka nisur në këto momente një takim në sallën e ‘Akademisë së Arteve’ në Tiranë.

Të bashkuar nën moton ‘Askënd për të humbur, gjithëkënd për të fituar’, ata kërkojnë largimin e Lulzim Bashës dhe ndalimin e procesit zgjedhor të cilin e quajnë farsë.

Në këtë takim janë disa prej figurave të rëndësishme historike të PD-së, si Besnik Mustafak, Ridvan Bode, Astrit Patozi, Majlinda Bregu, Genc Ruli, Arben Imami etj. Bie në sy mungesa e ish-nënkryetares Jozefina Topalli.