Takimi i kryeministrave në Durrës, deputetja e PD ka një pyetje për Ramën

Këtë të shtunë në Durrës pritet të mbahet një takim informal mes kryeministrave të rajonit dhe përfaqësuesve të BE. Ashtu si dhe në rastet e tjera edhe këtë herë nuk dihet për çfarë do diskutohet dhe çfarë përfiton Shqipëria.

Në takimet rajonale, prej disa muajsh, tema kryesore e debatit nuk janë projektet, por stili i veshjes së kryeministri Edi Rama.

Deputetja e PD-së, Albana Vokshi ka ironizuar këtë sjelle të kryeministrit duke shtruar publikisht pyetjen: A do i veshë Rama atletet e bardha në Durrës?

“TO BE OR NOT TO BE!!! A do i veshe Rama atletet e bardha këtë të shtunë në Durrës, në takimin me Kryeministrat e Ballkanit? S’po na zë gjumi derisa ta marrim vesh… As vizat, as shëndetesia, as arsimimi, as droga, as kriminaliteti, as varfëria, as punësimi s’kanë më rëndësi….përveç atleteve te bardha kryeministrore”,- shkruan Albana Vokshi në Facebook.