Takimi me Bashën, flet Mediu: Nuk ka marrëveshje, PR e vetme në zgjedhje

Pas 30 minutave takim me kreun e PD-së, Lulzim Basha në selinë blu, kryerepublikani Fatmir Mediu u shpreh se PR-ja do të dalë e vetme në zgjedhje. Më herët, republikanët lajmëruan se kanë marrë vendim për tu regjistruar në Komisionin Qendror të Zgjedhjeve.

Ky takim u thirr nga kreu Basha, pasi PR-ja u regjistrua si subjekt politik për zgjedhjet e 25 qershorit në KQZ.

Mediu pas takimit, për mediat u shpreh se nuk ka marrëveshje me PD, duke lënë të kuptohet se Basha nuk i siguron 3 mandatet që PR-ja kërkon.

Ndërkohë që Partia Republikane është regjistruar në Komision Qendror të Zgjedhjeve për zgjedhjet elektorale të 25 qershorit, por ende nuk ka dorëzuar listën e kandidatëve.