Topalli e Bregu urojnë Merkelin: Winner, kancelarja e përjetshme

Angela Merkel ka siguruar mandatin e katër si Kancelare e Gjermanisë. Pas fitores së katërt, ajo ka marrë urime të shumta nga zyrtarë të lartë, ku nuk kanë munguar dhe politikanët shqiptarë.

Mes tyre janë vënë re dhe urimet e dy ish-deputeteve të Partisë Demokratike, Jozefina Topalli dhe Majlinda Bregu. Të dyja ish-deputetet kanë zgjedhur një mënyrë të ngjashme për të uruar Merkelin, me një foto dhe një fjalë të shkurtër.

“Kancelarja e perjetshme!”, shkruan Topalli, teksa shpërndan një foto ku shfaqet me “Gruan e Hekurt”.

Një urim akoma të shkurtër ka zgjedhur të bëjë ish-deputetja Bregu, ku gjithçka nis dhe mbaron me një fjalë të vetme dhe një foto të Merkelit.
“Winner!”, shkruan Bregu.