Tragjedia në Greqi, Kryemadhi: Forcë dhe mbështetje në këto momente

Kryetarja e LSI-së, Monika Kryemadhi, ka shprehur ngushëllimet për tragjedinë në Athinë, aty ku nga zjarret deri më tani janë regjistruar 80 viktima. Në mesazhin e saj, Kryemadhi shpreh solidaritetin e partisë për këtë ngjarje, ashtu siç ajo e quan si katastrofë.

”Solidarizohemi me fqinjët tanë grek në këto ditë të vështira të humbjes së dhjetëra jetëve dhe qindra të plagosurve nga kjo katastrofë. Janë momente që kanë nevojë për forcë dhe mbështetje. Jemi pranë jush, duke u lutur në çdo moment, që zoti t’ju lehtësojë dhimbjen dhe të shpëtojë jetët e të gjithë të lënduarve nga kjo tragjedi”,-shkruan kryetarja e LSI-së.