Vasili: Falënderojmë Ambasadën e SHBA për korrigjimin e njoftimit të raportit të DASH

Kreu i deputetëve të LSI-së, Petrit Vasili ka reaguar sot për njoftimin e Ambasadës së SHBA në Facebook, ku saktësohet se raporti i Departamentit të Shtetit për vendet ku sugjerohet investimi, për Shqipërinë do të publikohej disa ditë më vonë.

Duke falënderuar ambasadën e SHBA për këtë njoftimin, Vasili shton se në variantin fillestar të njoftimit, më datën 23 korrik Shqipëria nuk figuronte në listën e vendeve të përfshira në dokument.

Deklarata e Petrit Vasilit:

“Ne të gjithë i lexojmë me shumë shumë vëmendje raportet e Departamentit Amerikan të Shtetit, pasi janë udhërrëfyes shumë të rëndësishëm për politiken mbarëbotërore por veçanërisht të pazëvendësueshëm për Shqipërinë.

Ndaj vlerësojmë korrigjimin, qe ambasada amerikane ne Tirane i beri sot, pak orë më parë, njoftimit të bërë prej saj të dy ditëve më parë në 23 korrik, ku ajo njoftonte se në raportin për 170 vende për klimen e biznesit përfshihej edhe Shqipëria, kur në fakt Shqipëria as nuk ishte dhe as nuk është e përfshirë”,- shkruan Vasili.

Vasili ka publikuar dhe foton e njoftimit të edituar të ambasadës së SHBA