Vasili: Helsinki foli – Vetingu me standarte të dyfishta, është Antiveting!

Kreu i grupit parlamentar të Lëvizjes Socialiste për Integrim ka reaguar lidhur me gjetjet e Komitetit Shqiptar të Helsinkit lidhur ecurinë e procesit të vetingut të njerëzve të sistemit të drejtësisë në vend, proces ky, që sipas Helsinkit, është paraqitur me standarde të dyfishta.

Reagimi i Petrit Vasilit

Vetingu me standarte te dyfishta eshte ANTIVETING,Helsinki foli.

Komiteti Shqiptar i Helsinkit flet qarte, qe vetingu ka vepruar edhe me standarte te dyfishta.
Shpesh vleresimi ka qene i gjymtuar e i bazuar vetem te kontrolli i pasurise.
Shpesh jane lene menjane dy elemente thelbesore te integritetit te gjyqtareve e prokuroreve, qe jane vleresimi i figures dhe ai profesional.

Nje Veting i tille eshte ANTIVETING.

Lexojeni vete qendrimin e Komitetit Shqiptar te Helsinkit:

“Megjithatë, vëzhguesit e KSHH-së kanë evidentuar raste sporadike të standardeve të dyfishta në vendimmarrjen e KPK-së, ndaj kemi mendimin se praktika e vettingut ka nevojë të konsolidohet. Procesi i rivlerësimit është bazuar kryesisht në kriterin e pasurisë, duke mos patur në konsideratë edhe dy kriteret e tjera: atë të vlerësimit të figurës dhe të aftësive profesionale”, thotë Erida Skëndaj, drejtuese e KSHH-së.