Vasili: Me Ramën jemi shtet i drogës, me një si Salvini do ishim në BE

Kreu i deputetëve të LSI-së në kuvend, Petrit Vasili, ka renditur arsyet pse Shqipëria sot është një shtet i drogës. Në një postim në facebook, ai shkruan se nëse Shqipëria do të kishte për Kryemnistër Metteo Salvinin, ministër i Brendshëm në Itali, vendi do të ishte si BE-ja.

Postimi i plotë i Petrit Vasilit

Pse është Shqipëria sot drogështet?

Përgjigjia është më e lehta në botë. Kemi Ramën kryeminister, dhe jo Salvinin.

Sepse Rama ndërton autostrada për drogën dhe asnjë kilometer rrugë për shqiptarët.

Sepse Rama me votën e tij mbron trafikantët e mafiozët e qeverisë, që të mos arrestohen.

Sepse Rama vegjeton në pushtet me votat që trafikante e kriiminelë blejnë për të.

Sepse Rama shkatërron ekonominë e shqiptarëve që mafiozë e trafikantë të pastrojnë paratë në të.

Sepse Rama shkatërron drejtësinë që mafiozë e trafikantë të mos dënohen nga ajo.

Sepse Rama ndërton e beson çdo ditë te Drogështeti dhe jo te Shteti i së Drejtës.

Ndërsa Salvini është në vijën e parë të luftës kundër të gjitha llojeve të mafieve, Rama ka për menu të pushtetit vetëm Mafiet e çdo lloji. Eh sikur të ishte Salvini kryeministër, dhe jo Rama……Nga Drogështet do të ishim tamam BEshtet.