Vasili: Për shëndetësinë Rama flet si kryebojaxhi

Në një status në facebook, kreu i grupit parlamentar i LSI-së, Petrit Vasili, thotë se për Shëndetësinë, kreu i qeverisë flet si kryebojaxhi. Duke marrë shkas nga situata në Elbasan, Vasili shton se që prej 2010 në këtë spital nuk është bërë asnjë investim. ”Shqipëria ka nevojë për kryeministër dhe jo për kryebojaxhi e kryetuaf, sepse shëndetësi do thotë të kurosh e shërosh, e jo të tallesh e të këndosh si ç’bën ky”,-shton Vasili.

Postimi i plotë

Kur flet për shëndetësinë ky është kryebojaxhi dhe jo kryeministër. Elbasani ka ndërtuar një spital të ri kirurgjikal vetëm në 2010 dhe me skaner në ato kohëra u bë, pra asgjë nga ky kryeministër që i ngazëllehet bojës së mureve. Ky kryebojaxhi lyen ca mure po nuk bën spitale ashtu si edhe në Elbasan, në Fier e kudo.

O ministra boll e tallet këtë kryeministër me budallëqe dhe me lajme koti, se ky kryeministër ngaqë s’mbush fare dhe s’kupton, i beson dhe i thotë me gojën plot se i duken të vërteta.

Shqipëria ka nevojë për kryeministër dhe jo për kryebojaxhi e kryetuaf, sepse shëndetësi do thotë të kurosh e shërosh, e jo të tallesh e të këndosh si ç’bën ky.