Vasili: Shqipëria s’i hap negociatat për shkak të kriminalizimit dhe korrupsionit të Ramës

Nënkryetari i Lëvizjes Socialiste për Integrim Petrit Vasili ka reaguar sërish lidhur me zhvillimet e aktualitetit politik në vend.

Përmes një reagimi mëe rrjetet sociale Vasili publikon disa fakte që sipas tij janë kokëforte.

Sipas Vasilit, Rama mori një Shqipëri anëtare të NATO-s dhe që kishte liberalizuar vizat, dhe e katandisi në një Shqipëri që nuk i hapen negociatat për vite me radhë vetëm për shkak të kriminalizimit dhe korrupsionit të tij.

Reagimi i Petrit Vasilit

Fakte kokëforte!!

Edi Rama mori një Shqipëri që ishte anëtarësuar në NATO që në vitin 2009;

një Shqipëri, që kishte liberalizuar vizat që në vitin 2010;

dhe e katandisi në një Shqipëri që nuk i hapen negociatat për vite me radhë vetëm për shkak të kriminalizimit dhe korrupsionit të tij.

Këto janë faktet, të tjerat janë llafe dhe ujë në havan!