Vazhdon fushata me zjarrvënie kundër investimeve të Bashkisë së Tiranës

Pas dy zjarrvënieve të qëllimshme në dy prej çerdheve të Tiranës, fushata e zjarrvënieve kundër investimeve të Bashkisë së Tiranës vijoi edhe sot, duke hedhur dyshime të forta se mund të jetë e organizuar.

Në zonën e “21 Dhjetorit”, persona të paidentifikuar i vunë flakën sot dy konteinerëve mbetjesh të Eco Tiranës, ndërkohë që zjarrfikësit ndërhynë menjëherë duke shuajtur zjarrin.

Një tjetër zjarr u shua menjëherë nga punonjësit e zjarrfikëses edhe në qendër të Tiranës, te lulishtja pranë Sahatit. Të dyja rastet janë neutralizuar pa dëme dhe në kohë rekord.

Megjithatë, dyshimet se këto zjarrvënie mund të jenë pjesë e një fushate për të krijuar panik në kryeqytet janë reale.