VIDEO/ Majlinda Bregu në Gjirokastër duke dëgjuar Ramën që thumbon Bashën

Mesazhin e saj kundër bojkotit të zgjedhjeve deputetja e PD-së Majlinda Bregu ka kohë që ia ka bërë të ditur kryedemokratit Basha, madje nuk e kemi parë asnjëherë në çadrën e protestës.

Me sa duket çështjet e integrimit dhe Europa janë më të rëndësishme se çdo gjë për deputeten, e cila  i është përgjigjur sot pozitivisht ftesës së ambasadores së BE-së, Romana Vlahutin, për të marrë pjesë në një event për ditën e Europës, edhe pse Kuvendi është shpërndarë prej së enjtes, çka nënkupton se dhe mandati i saj si kryetare e Komisionit Parlamentar të Integrimit ka përfunduar tashmë edhe zyrtarisht.

20170506-193254 by e-d21

Siç mund të shihni në video, Bregu shfaqet në një aktivitet në Gjirokastër në krah të ish-ministrit të çështjeve vendore Bled Çuçit dhe dëgjonte me vëmendje kryeministrin Rama, i cili nuk nguroi të thumbonte kundërshtarin e tij Basha edhe sot.

“T’i kapërcejmë me njerëzillëk edhe problemet në politikën tonë të brendshme cilësia nuk matet me sa shumë njerëzit bien dakord por sa njerëzisht e jetojnë mosdakordësinë mes tyre. Jam i bindur që do ia dalim, më 18 qershor shqiptarët do japin një mesazh të qartë se rruga jonë është Europa”, tha Rama.

/BW