VIDEO/Patozi: Basha po kthen PD-në në kasolle personale

Ish-deputeti i PD-së, Astrit Patozi, një nga kritikët e Lulzim Bashës, ka reaguar me tone të ashpëra mbi përplasjen në mbledhjen e kryesisë të PD-së. Patozi e ka cilësuar mbledhjen si një degradim të PD-së, një pasqyrë të shumtuar.

Duke folur për media, Patozi tha se Basha tregoi se ka mentalitet bolshevik dhe se pranon një kasolle familjare, sesa një gradaçelë. Patozi tha se demokratët që nuk e duan këtë lidership do imponohen me gjithë forcën për ta refuzuar.

[youtube url=”https://www.youtube.com/watch?v=o78CERJjoes&app=desktop” width=”560″ height=”315″]

“Do imponohemi me gjithë forcën tonë dhe kam bindjen që në se rast se Basha nuk do e pranoj këtë realitet, do të jetë përgjegjësia e tij, jo vetëm për katastrofën elektorale në zgjedhjet e fundit, por për shkatërrimin e asaj që ka mbetur nga kjo parti. Me presionin që anëtarësia e PD e revoltuar dhe që e refuzon këtë lloj lidershipi, do e detyrojë të marrë qëndrim tjetër”, tha Patozi për mediat.

Ai tha se PD është e vetmja parti që bën zgjedhjet pastaj analizën. “Nuk kemi pritur që Lulzim Basha të vepronte ndryshe, nuk na zhgenjeu mbrëmë po ne do imponohemi, sepse e ritheksoj është nevoja e dhjetra demokratëve të revoltuar që refuzojnë lidershipin e Bashës, dhe ai është i detyruar të pranojë këtë realitet. PD mund tëjetë e vetmja parti në botë që bën në fillim zgjedhjet dhe pastaj analizën. sepse dje u la të kuptojë që nuk është problem as kryetari dhe as lidershipi përgjegjës për humbjen po anëtarët e partisë dhe Lulzim Basha e ka demostruar këtë”, përfundoi Patozi.

Por mbrëmjen e të enjtes ka qënë vetë kryetari Basha që nuk ka pranuar njohjen e fraksioneve brenda PD-së, një propozim publik i vetë Patozit.