Xhufi: Akademia e Shkencave që prej 2007, honorifike

Profesorit Pëllumb Xhufi, i ftuar në “Arena” në Ora News, thotë se Akademia e Shkencave që prej vitit 2007, është kthyer në një klub honorifik.

Xhufi: Kjo është një akademi honorifike nga viti 2007, e cila trashëgoi një grup studiuesish të respektuar por për më shumë se gjysma u bënë akademikë liste.

Dhe u kthye në një klub studiuesish, të cilëve me një ligj të posaçëm nuk ka detyra siç kanë vendet e tjera. Ka për detyrë të koordinojë kërkimet shkencore, të botojë ndonjë revistë, të promovojë realizimet e reja shkencore. Të financojë ndonjë botim.