Ylli Manjani: Kjo nuk është diplomaci leshi…

Ylli Manjani, ish-ministri i Drejtësisë ka bërë reaguar në lidhje me deklaratën e ambasadores shqiptare në Holandë.

Përmes një postimi në “Facebook”, ai shkruan që reagimi i ambasadores mund të na rrezikojë seriozisht vendosjen e vizave.

“Reagimi skandaloz i ambasadores mund të na rrezikojë seriozisht vendosjen e vizave!!!

Tashmë nga një memo e policisë Hollandeze, është sensibilizuar i gjithë opinioni publik në Hollandë. Për pasojë qeveria Hollandeze do të duhet të reagojë disi!

Shpresojmë jo në drejtim të vendosjes së vizave! Le ti vërë viza Ambasadores sonë atje po qe nevoja, por jo ne të tjerëve!

Kjo nuk është diplomaci leshi! Është politikë shtetërore e keqe dhe e papërgjegjshme”, shkruan Manjani.