Zbardhet mbledhja e Bashës me deputetët, ja çfarë u tha

Zbardhen detaje nga mbledhja e kreut të PD-së, Lulzim Basha me anëtarët e grupit parlamentar. Mbledhja ka zgjatur rreth 40 minuta dhe në këtë është diskutuar për disa pjesë të marrëveshjes së bërë me Ramën dhe atë që do të votohen sot.

Burime nga mbledhja e grupit parlamentar të PD-së janë shprehur se kreu Basha ka informuar deputetët për ndryshimet që kanë ndodhur për garantimin e votës.

Me ndryshimet e reja, personat që do të blejnë apo shesin votën ata që do të ndërhyjnë në proces, apo do të mbledhin karta ID do të dënohen nga 1 deri në 7 vite burg.

Gjithashtu në këtë mbledhje janë diskutuar edhe për ndryshimet që do të bëhen në Ligjin e Medias, me qëllim eliminimin e kasetave të gatshme dhe barazinë e kohës mediatike. /SYRI.net