“Zbulohet” emri i ministrit të parë në kabinetin qeveritar “Rama 2”

“BalkanWeb” raporton se gjatë një prononcimi për mediat lokale, kandidati i dytë i listës së PS-së në Qarkun e Kukësit, Safet Gjici, i cili nuk arriti dot ta fitonte mandatin e deputetit ka rrëfyer se ai do të hyjë në Parlament, për shkak se sipas tij Mimi Kodheli do të jetë pjesë e qeverisë “Rama 2”, ku edhe njëherë duket se do të respektohet standardi që ministri nuk mund të jetë njeherazi edhe deputet. Gjici renditet i dyti në listën e PS të Qarkut të Kukësit, pas Kodhelit që e siguroi mandatin e deputetes.

Por për shkak se zgjedhja e ministrave është ekskluzivitet i kryeministrit, Edi Rama është ende e pakonfirmuar zyrtarisht nëse kjo deklaratë e Gjicit bazohet mbi dëshirën e tij personale për të qenë pjesë e Kuvendit të ri apo se Kodheli e ka ndarë vërtet me të faktin që do jetë pjesë e qeverisë së re.