Zgjedhjet, KQZ miraton rezultatin në 3 qarqe, nuk ka kontestime

Komisioni Qendror i Zgjedhjeve ka miratuar tabelat përfundimtare të rezultateve të 25 qershorit edhe në tre qarqe, Vlorë, Berat dhe Gjirokastër.

Në Berat PS mori 4 mandate, LSI 2 dhe PD një, në Vlorë PS 8 mandate, PD 3 dhe LSI një, ndërsa në Gjirokastër 3 PS, nga një LSI me PD.

Asnjë nga palët nuk ka pasur kontestime, ndërsa debati i vetëm ishte dje për qarkun e Tiranës për mandatin e Idrizit, kërkesë që u rrëzua nga KQZ, kurse PDIU pritet të ankohet në Kolegj.

Vendimi i KQZ
Komisioni Qendror i Zgjedhjeve, në mbledhjen e ditës së sotme shqyrtoi dhe miratoi projektvendimet:

1. “Për nxjerrjen e rezultatit të votimit për zonën zgjedhore, Qarku Vlorë, për zgjedhjet për Kuvendin, të datës 25 qershor 2017”.
2. “Për nxjerrjen e rezultatit të votimit për zonën zgjedhore, Qarku Gjirokastër, për zgjedhjet për Kuvendin, të datës 25 qershor 2017”.
3. “Për nxjerrjen e rezultatit të votimit për zonën zgjedhore, Qarku Berat, për zgjedhjet për Kuvendin, të datës 25 qershor 2017”.